अभिनेता वरूण धवन आणि सारा अली खान यांचा आगामी चित्रपट ‘कुली नंबर 1’ साठीच्या टीमसाठी पंतप्रधान नरेंद्र मोदी यांनी खास ट्विट केले आहे. पंतप्रधान मोदींचे हे ट्विट सोशल मीडियावर व्हायरल होत आहे.
कुली नंबर 1 च्या टीमने काही दिवसांपुर्वी जाहीर केले होते की, ते सेटवर प्लास्टिकचा वापर करणार नाहीत. याबद्दल वरूण धवनने ट्विट देखील केले होते. यानंतर आता स्वतः पंतप्रधान नरेंद्र मोदी यांनी या ट्विटला उत्तर दिले आहे.
Being a plastic-free nation is the need of the hour and great intiative taken by our prime minister and we can all do this by making small changes. The sets of #CoolieNo1 will now only use steel bottles. @PMOIndia pic.twitter.com/T5PWc4peRX
— Varun Dhawan (@Varun_dvn) September 1, 2019
वरूण धवनने पीएमओला टॅग करत ट्विट केले होते की, प्लास्टिक मुक्त राष्ट्र बनवणे ही वेळेची गरज आहे. आपल्या पंतप्रधानानी मोठ्या गोष्टीची सुरूवात केली आहे. आपण छोट्या छोट्या बदलांद्वारेच मोठे परिवर्तन घडवू शकतो. कुली नंबर 1 च्या सेटवर केवळ स्टीलच्या बॉटल्सचा वापर केला जात आहे.
Superb gesture by the team of #CoolieNo1! Happy to see the film world contributing towards freeing India from single use plastic. https://t.co/bPXFgHz2I4
— Narendra Modi (@narendramodi) September 12, 2019
वरूण धवनच्या या ट्विटवर पंतप्रधान मोदींनी देखील उत्तर दिले आहे. त्यांनी ट्विट केले की, कुली नंबर 1 च्या टीमकडून शानदार सुरूवात. हे बघुन आनंद होतो की, चित्रपट सृष्टीतील लोक देखील प्लास्टिक मुक्त भारत बनवण्याच्या दिशेने आपले योगदान देत आहेत.
पंतप्रधान मोदी आणि वरूण धवन यांचे ट्विट सोशल मीडियावर व्हायरल होत आहे.