राजस्थान रॉयल्सची साथ सोडणार अजिंक्य रहाणे ?

याबाबत सूत्रांनी दिलेल्या माहितीनुसार दिल्ली कॅपिटल्सचे रहाणेला संघात घेण्यासाठी प्रयत्न सुरू आहेत, पण हे डील होईल का, हे आताच सांगणे अवघड आहे. अनेक नियमांचे या करार होण्यापूर्वी काटेकोर पालन होणे गरजेचे आहे. राजस्थान संघाचा रहाणे हा मोठा खेळाडू असल्यामुळे ते हा निर्णय घेण्यापूर्वी विचार नक्की करतील.

ही डील यशस्वी झाल्यास आयपीएलमधील हा मोठा फेरबदल ठरेल. दिल्लीने गतवर्षी शिखर धवनला सनरायझर्स हैदराबादकडून आपल्या चमूत दाखल करून घेतले होते. दिल्लीकडून खेळताना धवनने 2019च्या मोसमात 521 धावा केल्या होत्या आणि दिल्लीने 2012नंतर प्रथमच आयपीएलच्या प्ले ऑफमध्ये प्रवेशही केला होता.