भाजीसाठी मागितले ३० रुपये, भररस्त्यातच पती म्हणाला … तलाक.! तलाक.!! तलाक.!!!


नवी दिल्ली – ट्रिपल तलाकचे हृदयद्रावक प्रकरण नुकतेच दिल्लीला लागूनच असलेल्या ग्रेटर नोएडा येथून समोर आले आहे. ही घटना ग्रेटर नोएडाच्या दादरी परिसरात घडली असून पतीकडे भाजी घेण्यासाठी पत्नीने अवघे ३० रुपये मागितले होते. पतीने यावर भररस्त्यातच तलाकचा उच्चार केला. केंद्रीय मंत्री रविशंकर प्रसाद यांनी काही दिवसांपूर्वीच तीन तलाकच्या प्रकरणांवरच विधेयक सादर केले होते.

भाजी खरेदी करण्यासाठी पतीकडे पत्नीने ३० रुपये मागितले. पतीने त्यावर चिडून पत्नीला जबरदस्त मारहाण केली. पीडित महिलेचे वडील मारहाणीची माहिती मिळताच तेथे पोहोचले. पतीने त्यांच्यासमोरच तलाक, तलाक, तलाकचा उच्चार करत पत्नीला घटस्फोट दिला, असा आरोप करण्यात आला आहे. पोलिसांनी या विवाहितेच्या तक्रारीनंतर पतीविरोधात एफआयआर दाखल केली आहे. प्रकरणाच्या चौकशीला सुरुवात झाली आहे. या महिलेचे नाव जैनब असे आहे.

भाजीसाठी पीडित महिला जैनब हिने पतीकडे ३० रुपये मागितले होते. पती साबिर याने यावर चिडून तिला मारहाण केली. याची माहिती मिळताच पीडित महिलेचे वडील तेथे पोहोचले. तिच्यावर उपचार करण्यासाठी ते तिला रुग्णालयात घेऊन निघाले. साबिर याने तेव्हा ३ वेळा तलाकचा उच्चार करत पत्नीला घटस्फोट दिला.

जैनब हिचे ९ वर्षांपूर्वी साबिर याच्याशी लग्न झाल्याचे पीडितेच्या आईने सांगितले. त्यांनी त्यावेळेसही विविध वस्तूंच्या स्वरूपात मोठ्या प्रमाणात हुंडा दिला होता. पण सासरकडच्यांनी लग्नानंतर काही दिवसांनीच आणखी हुंड्याची मागणी केली. महिलेच्या नातेवाईकांनी तेव्हा अधिक हुंडा देणे शक्य नसल्याचे सांगितल्यामुळे रोज जैनबला मारहाण केली जात असे. तसेच, जीवे मारण्याचीही धमकी दिली जात असे. महिलेच्या नातेवाईकांनी अनेकदा साबिरच्या घरी पंचायतही भरवली. मात्र, प्रत्येक वेळी साबिर माफी मागून जैनबला सोबत घेऊन जात असे.

साबिर याचे त्याच्या वहिनीशीही अनैतिक संबंध असल्याचा पीडित महिला जैनब हिच्या नातेवाईकांनी आरोप केला आहे. साबिर याही कारणाने पत्नीला मारहाण करत असे. तसेच, घटस्फोटाचाही मागणी करत असे. पीडितेने घटनेविषयी बोलताना ती आधीपासून आजारी असल्याचे सांगितले. भाजीसाठी तिने ३० रुपये मागितले, साबिरने तेव्हा पैसे बापाच्या घरून घेऊन ये, असे सांगितले. त्यानंतर मला खूप मारहाण केली. माझे वडील उपचार करण्यासाठी जेव्हा मला रुग्णालयात घेऊन निघाले होते, तेव्हा रस्त्यात अडवून साबिरने गोंधळ घातला. रस्त्यावरच त्याने तीन वेळा तलाकचा उच्चार करत घटस्फोट दिला.

Loading RSS Feed

Leave a Comment