झेडटीईचा सबब्रांड नुबियाने त्यांचा नवा नुबिया एकस स्मार्टफोन दोन डिस्प्लेसह बाजारात आणला असून त्याला स्नॅपड्रॅगन ८४५ प्रोसेसर दिला गेला आहे. या फोनला ६.२६ आणि ५.१ इंची डिस्प्ले दिले कॉर्निंग ग्लास ३ प्रोटेक्शनसह दिले गेले आहेत. अँड्राईड ओरिओ ८.१ ओएस असून हा फोन ६ जीबी आणि ८ जीबी रॅम आणि ६४,१२८, २५६ जीबी स्टोरेज अश्या व्हेरीयंट मध्ये उपलब्ध आहे. विशेष म्हणजे याला मायक्रोकार्ड सपोर्ट नाही.
फोनला ड्युअल कॅमेरा असून १६ एमपी व २४ एमपीचे रिअर कॅमेरे आहेत मात्र फ्रंट कॅमेरा नाही. अर्थात फोनला मागच्या बाजूलाही डिस्प्ले असल्याने सेल्फी काढता येते. ६ जीबी रॅम, ६४ जीबी स्टोरेजसाठी ३२९९ युआन म्हणजे ३५ हजार रु. मोजावे लागणार आहेत. ८ जीबी रॅम १२८ जीबी स्तोरेज्साठी ३९२०० तर २५६ जीबी स्टोरेज साठी ४४५०० रु. द्यावे लागतील. फोन ला ३८०० एएमएचची क्विकचार्ज सपोर्ट बॅटरी दिली गेली आहे.