जर्मनीमध्ये सापडला दहाव्या शतकातील खजिना


जर्मनी मधील एका तेरा वर्षीय मुलाच्या हाती खजिना लागल्याचे वृत्त आहे, हा मुलगा पुरातत्वावेत्ता असलेल्या आपल्या गुरुंसोबत खजिन्याचा शोध घेत असता, त्याचा हाती अचानक हा खजिना लागला. आपल्या हाती नक्की काय लागले आहे, ह्याची अजिबात कल्पना नसलेल्या ह्या मुलाने जेव्हा त्याच्या हाती लागलेली वस्तू परीक्षणासाठी पाठविली, तेव्हा ती वस्तू दहाव्या शतकातील असल्याचे सत्य उघड झाले. ह्या तेरा वर्षांच्या मुलाचे नाव लुका मलास्नानित्चेन्को असून, त्याच्या हाती डेन्मार्क चे राजे हेराल्ड ब्लूटूथ यांचा खजिना लागला आहे. ह्या खजिन्यातील ‘ब्लूटूथ’ नाणे, राजे हेराल्ड ब्लूटूथ यांच्या खजिन्यातील आहे. हे नाणे दहाव्या शतकाच्याही आधीच्या काळातील असल्याचे समजते. खरेतर ‘ब्लूटूथ’ चा शोध अगदी अलीकडच्या काळातला आहे. पण ही संकल्पना प्राचीन काळामध्ये देखील अस्तित्वात असल्याचे ह्या नाण्यावरून लक्षात येते.

ह्याची हकीकत अशी, की लुकाचे गुरु पुरातत्ववेत्ता रेने स्कोएन ह्यांनी डेन्मार्कचे राजे हेराल्ड ह्यांच्या खजिन्याबद्दल लुकाला सांगितले होते. त्यानंतर हा खजिना शोधण्यासाठी हे दोघे उत्तरी रेजीजन बेटावर पोहोचले. ह्या बेटावर मेटल डिटेक्टरच्या मदतीने शोध घेत असताना लुकाला एक अल्युमिनियमचा तुकडा सापडला. हा तुकडा एखाद्या ‘चिप’ प्रमाणे दिसत होता. सुरुवातीला हा तुकडा काहीं कामाचा नाही अशी समजूत ह्या दोघांची झाली, पण त्यानंतर हाच तुकडा एक मोठा शोध असल्याचे त्या दोघांच्या लक्षात आले.

वास्तवात, निरुपयोगी वाटणारा हा तुकडा, डेन्मार्कचे राजे हेराल्ड ह्यांच्या चिप असलेल्या नाण्याचा होता. ह्यावरून असे निदान करण्यात आले, की त्या काळामध्ये देखील ब्लू टूथची संकल्पना अस्तित्वात असून, त्या काळी वापरल्या जाणाऱ्या नाण्यांमध्ये ही ब्लू टूथ चिप बसविलेली होती. आपल्याला ही गोष्ट अशक्यप्राय वाटत असली, तरी पुरातत्व खात्याच्या वतीने ह्या गोष्टीला दुजोरा देण्यात आला आहे.

लुका आणि स्कोएन यांच्या हाती लागलेला हा खजिना ४०० स्क्वेअर मीटरच्या क्षेत्रात खोदकाम केल्यानंतर सापडला आहे. हे नाणे पाहायला अगदी एकाद्या चांदीच्या तुकड्या प्रमाणे दिसते, पण आंतरराष्ट्रीय बाजारामध्ये ह्याला प्रचंड किंमत आहे. हा खजिना सापडला असल्याच्या वृत्ताची संपूर्ण जर्मनीमध्ये चर्चा होत असून, लोकांना ह्याविषयी प्रचंड कुतूहल आहे. ब्लू टूथ सारखे प्रगत तंत्रज्ञान ह्या नाण्यामध्ये असल्याचे कळल्याने लोकांच्या आश्चर्याला पारावार उरलेला नाही. अशीच आणखी अनेक नाणी यथे सापडण्याची शक्यता व्यक्त केली जात आहे.

Leave a Comment