मुंबई : या महिन्याच्या अखेरीस लागोपाठ ५ दिवस बँका बंद असणार आहेत. बँकांमध्ये २९ मार्च ते २ एप्रिलपर्यंत कोणतेही व्यवहार करता येणार नसल्यामुळे बँकांमधील तुमची कामे बुधवारच्या आता उरकून घ्या. २९ मार्चपासून चेक क्लिअरन्स आणि ड्राफ्टही बनणार नाहीत.
महावीर जयंती २९ मार्च, गुड फ्रायडे ३० मार्च, बँकांची क्लोजिंग डेट ३१ मार्चला तसेच १ एप्रिलला रविवार आणि २ एप्रिलला अॅन्यूअल क्लोसिंग असल्याने सलग ५ दिवस बँका बंद असणार आहेत. बँका ५ दिवस बंद असल्यामुळे जीएसटी, वीम्याचे हफ्ते आणि आयकर जमा करण्याची शेवटची तारीख २७ मार्च करण्यात आली आहे. सरकारी कार्यालयही या ५ दिवसांमध्ये बंद असल्यामुळे या कार्यालयांना आर्थिक वर्षाचे शेवटचे व्यवहार २८ मार्चपर्यंत पूर्ण करावे लागणार आहेत.