व्हॅलेंटाइन डे म्हणजे १४ फेब्रुवारीला चीनी मोबाईल जायंट कंपनी शिओमी त्याच्या रेडमी नोट ५, फाईव्ह प्रो आणि एमआय टीव्ही ४ चे लाँचिंग करत असल्याचे काही रिपोर्टवरून समजले आहे. आज दुपारी १२ वा. होणाऱ्या इवेन्टमध्ये हे लाँचिंग केले जाणार आहे.

विशेष म्हणजे फ्लिपकार्टने अगोदरच रेडमी नोट ५ हँडसेट उपलब्ध असल्याचे संकेत दिले आहेत. लिक झालेल्या माहितीनुसार रेडमी नोट ५ ची दोन व्हर्जन येत आहेत. ५.२ इंची डिस्प्ले असलेल्या या फोन चे ३ जीबी, ३२ जीबी मेमरी व ४ जीबी ६४ जीबी मेमरी अशी दोन व्हर्जन आहेत. याचवेळी नोट मी ५ प्रो व्हर्जनही सादर केले जात असल्याचे समजते. २० एमपीचा फ्रंट कॅमेरा, अँड्राईड नुगा ७.१ ओएस अशी त्याची अन्य फीचर्स असतील.

कंपनीने चीनमध्ये नुकताच लाँच केलेला मी टीव्ही ४ भारतातही सादर केला जात असल्याचे संकेत दिले गेले आहेत.