२६ जानेवारीला जगभरातील ट्विटरवर ट्रेंडमध्ये होते प्रजासत्ताक दिनाचे हॅशटॅग

भारताने या प्रजासत्ताक दिनाला आसिआन देशातील १० राष्ट्रप्रमुखांना प्रमुख पाहुणे म्हणून आमंत्रित केले होते. पहिल्यांदाच भारताच्या इतिहासात प्रजासत्ताक दिनाला दोन पेक्षा अधिक देशांच्या राष्ट्रप्रमुखांना पाहुणे म्हणून आमंत्रित करण्यात आले होते. प्रजासत्ताक दिनाच्या दिवशी भारताच्या लष्करी सामर्थ्यांचे दर्शन घडवणारा हा दिमाखदार सोहळा पार पडला. देशभरातून यानिमित्ताने ट्विटच्या माध्यमातून शुभेच्छांचा वर्षाव केला गेला.

६९ व्या प्रजासत्ताक दिनानिमित्त ट्विटरनेदेखील खास इमोजी आणले होते. #HappyRepublicDay, #RepublicDay, #RepublicDay2018 असे हॅशटॅग वापरल्यावर त्यासोबत इंडिया गेटचा इमोजी दिसत होता. सर्वांनाच ट्विटरची ही कल्पना खूप आवडली होती.