मुंबई : फ्लिपकार्टनंतर आता अमेझॉन इंडियाचा देखील सेल सुरु झाला असून अमेझॉनने सण आणि उत्सवाचा मुहूर्त साधत ‘ग्रेट इंडियन फेस्टिव्हल’ हा सेल सुरु केला आहे.

२१ सप्टेंबर ते २४ सप्टेंबरपर्यंत हा सेल असणार आहे. अनेक ऑफर यामध्ये देण्यात आल्या आहेत. तसेच एचडीएफसीच्या डेबिट आणि क्रेडिट कार्डवरुन खरेदी केल्यास १० टक्के कॅशबॅक ऑफरही देण्यात आली आहे. पण यूजर्सच्या खात्यात ही कॅशबॅक २४ डिसेंबर २०१७ला जमा होणार आहे.

४जी स्मार्टफोन्सशिवाय फ्रिज आणि अनेक इलेक्ट्रॉनिक्स प्रोडक्टवर या सेलमध्ये भरघोस सूट देण्यात आली आहे. तसेच अमेझॉनच्या अॅपवरुन खरेदी केल्यास यूजर्सला आणखीही काही सरप्राईज ऑफर मिळणार आहेत. यूजर्सला ५०० रुपयांहून अधिक खरेदी केल्यास अनेक खास ऑफर मिळणार आहे. तब्बल ४० टक्क्यांपर्यंत सूट या सेलमध्ये स्मार्टफोन्सवर मिळणार आहे. तर इलेक्ट्रॉनिक वस्तूंवर ६० टक्क्यांपर्यंत सूट मिळणार आहे. तर टीव्हीच्या खरेदीवर देखील ४० टक्के सूट देण्यात आली आहे. तसेच फक्त १५,००० रुपयात लॅपटॉप खरेदी करता येणार आहे. तर एसीच्या खरेदीवर १०,००० रुपयांपर्यंतची सूट मिळणार आहे आणि वॉशिंग मशीनवरही २५ टक्के सूट आहे. यासारख्या अनेक ऑफर सध्या अमेझॉनवर देण्यात आल्या आहेत.