दगडूशेठ गणपतीच्या मंडपाचं काम करताना मजुराचा अपघात

विसर्जन मिरवणुकीला अधिक उंचीच्या देखाव्यामुळे अडथळा येऊ नये, म्हणून मंडळातर्फे देखाव्याचे शिखर काढण्यात येत होते. परंतु अचानक क्रेनवर असणारे राम जाधव हे कोसळल्याची घटना घडली. ही सर्व घटना कॅमेरॅत कैद झाली आहे. शनिवारी पहाटे साडेतीन वाजता ही घटना घडली. याबाबत दगडूशेठ मंडळासोबत पत्रकांरानी संपर्क साधला असता विश्वस्त महेश सूर्यवंशी यांनी जाधव याला कोणतीही मोठी दुखापत झाली नसून केवळ हाताला खरचटले असल्याचेही त्यांनी नमूद केले.

शतकोत्तर रौप्यमहोत्सवी गणेशोत्सवानिमित्त यंदा दगडूशेठ गणपतीसाठी ब्रह्मणस्पती मंदिराचा देखावा साकारण्यात आला आहे. विसर्जनापूर्वी हा देखावा लोकांना पाहता यावा यासाठी त्याचा काही भाग काढण्याचं काम सुरु होतं. यावेळी क्रेनच्या साहाय्यानं हा मजूर देखाव्याचा कळस हलवत असताना त्याचा तोल गेला आणि तो खाली पडला. यानंतर त्याला तत्काळ उपचारासाठी रुबी हॉल रुग्णालयात दाखल करण्यात आलं आहे.