नवी दिल्ली – विशाल सिक्का यांनी माहिती तंत्रज्ञान सेवा, कन्सल्टिंग आणि डिजीटल ट्रान्सफॉर्मिंग क्षेत्रातील आघाडीच्या इन्फोसिस या कंपनीच्या व्यवस्थापकीय संचालक आणि मुख्य कार्यकारी अधिकारी पदाचा राजीनामा दिला असून इन्फोसिसने याचा आज खुलासा केला आहे.
या दोन्हीही पदाच्या जबाबदाऱ्या सध्या यु.बी. प्रविण राव यांच्या खांद्यावर सोपवण्यात आल्या आहेत. कंपनीने पत्रक काढून माहिती दिली आहे, की इन्फोसिस ही सॉफ्टवेअर सेवा निर्यात करणारी देशातील दुसऱ्या क्रमांकाची कंपनी आहे. दरम्यान, सिक्का यांची कार्यकारी उपाध्यक्ष म्हणून निवड करण्यात आली आहे, असेही पत्रकात म्हटले आहे. त्यांनी नुकतेच मुख्य कार्यकारी अधिकारी म्हणून तीन वर्ष पूर्ण केले आहेत.
इन्फोसिस जागतिक अर्थव्यवस्थेच्या उलाढालीत अनेक आव्हाने पेलत आहे. मागील काही महिन्यात कंपनीच्या महत्त्वाच्या कार्यकारी पदाधिकाऱ्यांनी राजीनामे दिले आहेत. यात अनिर्बन डे, युसूफ बशीर आणि रितीका सुरी यांच्या समावेश आहे.