मुंबई : भारतात तीन टफपॅड डिव्हाईस पॅनासॉनिक इंडियाने मार्केटमध्ये लॉन्च केला. यामध्ये टफपॅड एफझेड-एफ१ आणि टफपॅड एफझेड-एन१ यांचा समावेश असून त्याचसोबत टफपॅड एफझेड-ए२ टॅबलेट लॉन्च करण्यात आला आहे. क्वालिटी हे बिझनेस क्लाससाठी बनवलेल्या या तिन्ही प्रीमियम डिव्हाईसचे खास वैशिष्ट्य आहे.
अँड्रॉईड डिव्हाईसची किंमत ९९ हजार रुपये, तर विंडोज १० वर आधिरत स्मार्टफोनची किंमत १ लाख ९ हजार रुपये ऐवढी आहे. टॅब्लेटही अँड्रॉईडवर चालणारा असून, त्याची किंमत १ लाख २० हजार रुपये आहे. मूळ किंमतीशिवाय प्रत्येक डिव्हाईसवर अतिरिक्त टॅक्स आकारला जाईल. पॅनासॉनिक टफपॅड एफझेड-एफ१ आणि एफझेड-एन १ या दोन्ही स्मार्टफोनचे फीचर्स जवळपास सारखे असून दोन्ही स्मार्टफोनच्या ऑपरेटिंग सिस्टम वेगळ्या आहेत.
काय आहेत टफपॅड एफझेड-एफ१, एफझेड-एन१ चे फीचर्स –
या स्मार्टफोनमध्ये ४.४ इंचाचा एचडी डिस्प्ले (७२०×१२८० पिक्सेल रिझॉल्युशन), २.३ गीगाहर्ट्झ ऑक्टा-कोअर क्वालकॉम स्नॅपड्रॅगन ८०१ चिपसेट देण्यात आला असून २ जीबी रॅम, ८ मेगापिक्सेलचा रिअर आणि ५ मेगापिक्सेलचा फ्रंट फेसिंग कॅमेरा देण्यात आला आहे. त्याचबरोबर वाय-फाय, २जी, ३जी, ४जी LTE आणि जीपीएस, एनएफसी, ब्लूटूथ (V 4.1), मायक्रो यूएसबीसारख्या कनेक्टिव्हिटी देण्यात आल्या आहेत.
काय आहेत टफपॅड एफझेड-ए२ चे फीचर्स –
१०.१ इंचाचा डिस्प्ले (१९२०×१२०० पिक्सेल रिझॉल्युशन), १.४४ गीगाहर्ट्झ क्वाड कोअर इंटल एटम एक्स ५-झेड ८५५० प्रोसेसर, ६.० मार्शमॅलो ऑपरेटिंग सिस्टम, ओएस इंटरप्राईज सिक्युरिटी, ४ जीबी रॅम, ३२ जीबी इनबिल्ट स्टोरेज, ८ मेगापिक्सेलचा रिअर आणि २ मेगापिक्सेलचा फ्रंट फेसिंग कॅमेरा देण्यात आला आहे. वाय-फाय, ब्लूटूथ, जीपीएस, एनएफसीसारख्या कनेक्टिव्हिटी देण्यात आल्या आहेत.