जगभरात अनेक ठिकाणी चित्रविचित्र एअरपोर्ट रनवे बांधले गेले आहेत. हे रनवे पाहिले की एखादी छोटीसी चूकही जिवावर बेतू शकते याची खात्रीच पटते. हाँगकाँगमधील रनवे असाच समुद्रात आत घुसलेला आहे व पायलटची जराशीही चूक झाली तर विमान सरळ समुद्रातच जाते. जर्मनीतील स्क्वादिन एअरपोर्टचा रनवेही असाच अफलातून आहे. यां रनवेचा कांही भाग पुलावरून आहे. आणि या पुलाखालून हायवे जातो.

लिपजिग व हाल्ले या शहरांसाठी हा एअरपोर्ट अतिशय महत्त्वाचा आहे. त्यामुळे तो लिपजिग हाल्ले अशा नावानेच ओळखला जातो. साडेतीन किलोमीटर लांबीचा हा रनवे ३ ब्रिजवरून जातो. महामार्गावरील वाहतूक विस्कळीत होऊ नये व विमानाचे लँडींग करतानाही या वाहतूकीवर कोणताही परिणाम होऊ नये म्हणून पुलांचा वापर केला गेला आहे. त्यामुळे खालून जाणारी वाहने आणि पुलावरून लँड होणारे विमान हे येथील नेहमीचे दृष्य झाले आहे.