मिडीया स्ट्रमिंग स्टीक टीवे अशी ओळख असलेल्या क्रिओ कंपनीने त्यांचा सी ४९० स्मार्टफोन भारतात मार्क वन नावाने सादर केला आहे. या फोनसाठी अँड्राईड ५.१.१ वर आधारित फयूल ओएस दिली गेली आहे. या ओएसच्या माध्यमातून कंपनी दर महिन्याला नवीन फिचर्स अॅड करणार आहे. फोनची किंमत १९९९९ रूपये आहे व तो फ्लिपकार्ट तसेच कंपनीच्या साईटवर विक्रीसाठी उपलब्ध आहे.
या फोनसाठी साडेपाच इंचाचा क्वाड एचडी डिस्प्ले दिला गेला असून डिस्प्लेवर तसेच बॅक साईडला कोर्निंग गोरिल्ला ग्लास थ्री प्रोटेक्शन दिेले गेले आहे. हा फोन ड्युल सिम असून त्याला ३ जीबी रॅम, ३२ जीबी इंटरनल मेमरी ती कार्डच्या सहाय्याने १२८ जीबी पर्यंत वाढविण्याची सुविधा दिली गेली आहे. फोनला २१ एमपीचा बॅक कॅमेरा एलईडी फ्लॅशसह दिला गेला आहे. तो ४ के पर्यंतचे व्हिडीओ बनवू शकतो. फ्रंट कॅमेरा ८ एमपीचा आहे व तोही फुल एचडी व्हिडीओ बनवू शकतो.
फोरजी, एलटीई, वायफाय, ब्ल्यू टूथ, जीपीएस अशी कनेक्टीव्हीटी ऑप्शन्स आहेत शिवाय युजर फोनच्या कडेवरही टेक्स्ट लिहू शकतो. कंपनीने त्यांचे पुढचे अपडेट १३ मे रोजी येणार असल्याचे जाहीर केले आहे. त्यातून युजरला फोटो एडिटर, ईको मेसेज, सेल्फी स्क्रीन फ्लॅश अशी फिचर्स मिळणार आहेत.