आता कॅश ऑन डिलिव्हरी मिळणार फ्रीडम २५१

आपल्या फेसबुक पेजवर कंपनीने एक पोस्ट अपलोड केली असून या पोस्टमध्ये म्हटले आहे की, फ्रीडम २५१ स्मार्टफोनसाठी आता कॅश ऑन डिलिव्हरीची व्यवस्था करण्यात आली आहे. मात्र, या पोस्टमध्ये ज्या ग्राहकांनी आधीच ऑनलाइन बुकिंग करुन पैसे दिले आहेत त्यांना फोन कधी मिळणार यासंदर्भात माहिती देण्यात आलेली नाही.

केवळ २५१ रुपयांत लाँच करण्यात आलेल्या फ्रीडम २५१ या फोनच्या बुकिंगला देशभरातुन भरघोस प्रतिसादही मिळत असतानाच काही दिवसांपूर्वी ही बुकिंग बंद करण्यात आल्याचा मेसेज कंपनीच्या वेबसाईटवर आला. यासोबतच पहिल्या टप्प्यात २५ लाख नागरिकांना मोबाईल देणार असल्याची माहिती मिळाली होती.