भारताच्या नकाशातून काश्मीरच गायब

क्वीन्सलँड तंत्रज्ञान विद्यापीठाला पंतप्रधान मोदींनी आज भेट दिली. त्यावेळी तेथे भारताचा नकाशा लावला होता. त्यातून काश्मीर गायब होते. ही बाब उघडकीस येताच परराष्ट्र सचिव सुजाता सिंह यांनी या घटनेचा निषेध करून बिनशर्त माफी मागण्यास सांगितले, अशी माहिती परराष्ट्र खात्याचे प्रवक्ते सय्यद अकबरुद्दीन यांनी दिली. यासंदर्भात नंतर आयोजकांनी दिलगिरी व्यक्त केल्याचे अकबरुद्दीन यांनी सांगितले.