पाकने नाकारली मोदींची मदत

पाकव्याप्त काश्मीरमधील पूरपिडीत जनतेसाठी सहानुभूती आणि शेजारी राष्ट्र म्हणून भारत सरकार आवश्यक ती सर्व मदत देण्यास तयार असल्याचे मोदींनी जम्मूत जाहीर केल्यानंतर तसे अधिकृत पत्रही इस्लामाबादेतील विदेश मंत्रालयाला पाठविले गेले होते. रविवारी सायंकाळी हे पत्र पोहोचले मात्र त्यावर विदेश मंत्रालयाने तातडीने जबाब देताना पाकचे पंतप्रधान नवाझ शरीफ यांनीही येथील पूरस्थितीची पाहणी केली असल्याचे आणि त्या भागात सुटका व मदतकार्य जोमाने सुरू असल्याचे कळविले आहे. त्याचबरोबर जम्मू काश्मीरमधील पूरग्रस्तांबद्दल आम्हालाही सहानभूती वाटत असून त्यांच्यासाठी आवश्यक ती सर्व मदत पाक करू इच्छीतो असेही कळविले असल्याचे समजते.