या जन्मात तर लग्न शक्य नाही – सलमान

आपल्या दबंगगिरीमुळे बॉलिवूड अभिनेता सलमान खान नेहमीच चर्चेत असतो. वेगवेगळ्या तारकांबरोबर त्याचे जोडले जाणारे नाव असो, चर्चा तर होणारच. सलमानच्या आयुष्यात आतापर्यंत अनेक अभिनेत्री आल्या अनेकानाबरोबर त्याचे नाव जोडले गेले, पण आता त्याच्या कुटुंबियांनाच नव्हे तर त्याच्या लाखो चाहत्यांनाही असा प्रश्न पडला आहे की सलमानची वैवाहिक गाडी कधी रुळावर येणार. पण दस्तूरखुद्द सलमानला त्याची फारशी काळजी नाही आहे. नुकत्याच एका मुलाखतीत सलमानने आपण कदाचित आयुष्यभर अविवाहित राहू, असे सांगत सर्वांनाच मोठा आश्चर्याचा धक्का दिला आहे. तसेच आपल्याला राजकारणात किंवा दिग्दर्शनात रस नसल्याचे सांगत आपण अभिनेता म्हणूनच काम करत राहू, असेही त्याने स्पष्ट केले.