राज ठाकरेंविरोधात लढणार राखी सावंत?

आगामी विधानसभा निवडणुकीत आपण रिपब्लिकन पक्षातर्फे मनसे अध्यक्ष राज ठाकरे यांच्या विरोधात निवडणूक लढविणार आहोत, असे अभिनेत्री राखी सावंतने जाहीर केले. महाराष्ट्राचे मुख्यमंत्री बनण्याची आपली महत्त्वाकांक्षा असून, महिलांची सुरक्षा आणि गरीब, दलित उपेक्षितांच्या प्रश्नावर आवाज उठविणार असल्याचे ती म्हणाली.

राखी सावंतला पक्षाच्या महिला आघाडीचे अखिल भारतीय कार्याध्यक्षपद देण्यात आले. विधानसभा निवडणुकीत त्या आमच्या पक्षाच्या स्टार प्रचारक असतील, असे आठवले यांनी सांगितले.