लंडन – ब्रिटीश राजघराण्याचे राजपुत्र ,प्रिन्स ऑफ वेल्स चार्लस यांच्यावर राजघराण्याशी संबंधित अधिक जबाबदारी सोपविण्याचा निर्णय विचाराअंती राणी एलिझाबेथ यांनी घेतला असल्याचे वृत्त आहे. राणी येत्या एप्रिलमध्ये ८८ वर्षांची होत आहे आणि वयामुळे राज्याच्या सर्वच जबाबदार्या पार पाडणे अवघड जात असल्याने कांही महत्त्वाच्या जबाबदार्या प्रिन्स चार्लस वर सोपविल्या जात असल्याचे सांगितले जात आहे. प्रिन्स चार्लस यांनी केमिला पार्कर यांच्याशी दुसरे लग्न केले आहे आणि इंग्लंडमध्ये घटस्फोट अथवा दुसरे लग्न केलेल्या व्यक्तीला राजगादीवर बसता येत नाही असा नियम आहे. मात्र तरीही चार्लस यांच्यावर महत्त्वाच्या जबाबदार्या सोपवून त्यांची राजा बनण्यासाठीची वाटचाल सुरू होत असल्याचे सध्या दिसत आहे.