न्यूयॉर्क – प्रंचड बर्फवृष्टी, वेगवान वारे आणि शून्याखाली गेलेले तापमान यामुळे न्यूयॉर्क गर्व्हनर आंड्र्यू क्युमो यांनी न्यूयॉर्क राज्यात आणीबाणी जाहीर केली असून नागरिकांना घराबाहेर न पडण्याचे तसेच प्रवास न करण्याचे आवाहन केले आहे. न्यूयॉर्क राज्यात आलेल्या या संकटामुळे राज्यातील विविध विमानतळावरून सुटणार्‍या सुमारे २ हजार फ्लाईट रद्द करण्यात आल्या असल्याचेही समजते. विमानतळावर अडकून पडलेल्या प्रवाशांसाठी ब्लँकेट, कॉट आणि जीवनावश्यक वस्तूंचा पुरवठा विमानतळ प्रशासनाकडून केला जात आहे.

न्यूयॉर्क शहरातील चारी विमानतळ खुले आहेत मात्र खासगी विमानवाहतूक कंपन्यांनी अशा हवेत उड्डाणे न करण्याचा निर्णय घेतला असल्याचे सांगितले जात आहे. रनवेवर बर्फ साठू नये यासाठी रसायनांचा वापर केला जात आहे. गर्व्हनरना आणीबाणी जाहीर केल्याने राज्यासाठी राखीव असलेले रिसोर्सेस या परिस्थितीत पूर्ण क्षमतेने वापरणे शक्य होणार आहे असे समजते. राज्याचे तापमान शून्याखाली आहे आणि बर्फाच्या वादळाचा धोका कायम असल्याचे ते अजून खाली उतरण्याची शक्यता वर्तविली जात आहे.