मुंबई – बहुचर्चित ह्यआदर्शह्णघोटाळ्याचा चौकशी अहवाल अखेर शासनाच्या वेबसाईटवर टाकण्यात आला आहे. या अहवालामुळं काँग्रेसचे तीन माजी मुख्यमंत्री अडचणीत येण्याची शक्यता आहे. त्यामुळं हिवाळी अधिवेशनात सरकारनं हा अहवाल फेटाळला होता. पण भ्रष्टाचाऱ्यांना पाठीशी घालण्याच्या राज्य सरकारच्या या निर्णयानं देशभर काहूर माजलं आणि काँग्रेस उपाध्यक्ष राहुल गांधी आणि काँग्रेस अध्यक्षा सोनिया गांधी यांनीही या चौकशी अहवालबाबत पुनर्विचार करा, अशी भूमिका घेतली होती.

पक्षनेतृत्वाच्या या भूमिकेनं मुख्यमंत्री पृथ्वीराज चव्हाण यांची मोठी राजकीय कोंडी झाली होती. त्यामुळं जे. ए. पाटील चौकशी समितीचा हा अहवाल स्वीकारण्याशिवाय गत्यंतर नसल्यानं अखेर या अहवालाला वेबसाईटवर टाकून सार्वजनिक करण्यात आलंय. अहवालाच्या दोन्ही भाग शासनाच्या वेबसाईटवर टाकण्यात आले आहेत. त्यामुळं आता कोणीही जे.ए.पाटील समितीचा हा अहवाल वाचू शकणार आहे.