नरेंद्र मोदी म्हणजे पोपट -खुर्शिद

पीटीआय या वृत्तसंस्थेशी ते बोलत होते. नवाझ शरीफ यांनी पंतप्रधान डॉ. मनमोहनसिंग यांचा ग्रामीण महिला असा उल्लेख केल्याचे वृत्त पाकिस्तानातील माध्यमांनी प्रसिद्धीस दिले होते. ज्या पत्रकाराने ही बातमी प्रसिद्धीस दिली होती, त्याने नंतर शरीफ यांच्या अशा वक्तव्याचा इन्कार केला होता. त्यावर मोदी वस्तुस्थिती लक्षात न घेता टीका करत आहेत, असे खुर्शिद म्हणाले.

ग्रामीण महिला, या शब्दात गैर असे काहीच नाही. मुळात ग्रामीण महिलेला आपण निंदात्मक का करावे ? कदाचित मोदींना ग्रामीण महिला आवडत नाही. अर्थात, मोदी वास्तवापासून खूपच दूर आहेत. त्यांनी शरीफ यांनी टीका केली की नाही, असा संभ्रम असताना मोदींनी त्यावरून पंतप्रधानांना लक्ष्य केले. मोदींच्याभोवती काही अनुभव नसलेली माणसे आहेत. त्यांना भारतीय राजकारणाची जाण नाही. ते काही तरी लिहून देतात आणि मग मोदी ते पोपटासारखे बोलतात. असे सांगताना मोदींनी धर्मनिरपेक्ष व्हावे, असा सल्ला रर्शिद यांनी दिला.