बॉलीवूडमध्ये कोणाचे नशीब केंव्हा उजळेल हे सांगता येत नाही. आता अभिनेत्री असलेल्या असीनचेच घ्या ना! तिला काही स्टार मंडळीं सोबत काम करता आल्याने सध्या ती हवेतच आहे. काही चित्रपटात बॉलीवूडमधील स्टार सोबत काम करण्याची संधी हे आपले ‘लक’ न मानता असीनने माझ्या सोबत काम करण्यासाठी आघाडीचे नायक मंडळींच धडपडत असतात अशी दर्पोक्ती करायला सुरुवात केली आहे.
गेल्या काही दिवसात तिच्याकडे थोडेसे चांगले चित्रपट आल्याने तिने आपला भाव वाढवून घेण्यास सुरुवात केली आहे. असीन म्हणते माझ्याकडे येणाऱ्या चित्रपटात कोणी तरी स्टार असतोच. याचा फायदा मला होतो. माझा आता बोलबच्चन हा चित्रपट येत असून त्यामध्ये मी अजय देवगण व अभिषेक बच्चन यांच्या सोबत काम करीत आहे. यापूर्वी मी हाउस फुल २ या चित्रपटात अक्षयकुमार सोबत काम केले आहे. तर आगामी काळात येत असलेल्या खिलाडी ७८६ मध्ये मी पुन्हा अक्षय सोबत काम करीत आहे.
असिनने २००८ मध्ये करियरची सुरुवात अमीर खान सोबतच्या गजनी या चित्रपटातून केली होती. त्यानंतर रेडी या चित्रपटात सलमान खान सोबत काम केल्याने ती सध्या खूप खूष आहे. बोलबच्चन चित्रपट हा तिच्यासाठी लकी ठरतो की काय याकडे सर्वांचे लक्ष लागले आहे