बॉम्बे सिनेमात हम्मा हम्मा गाण्यावरच्या नृत्यात थिरकलेली आपली मराठी मुलगी सोनाली बेंद्रे तुम्हाला आठवतीय का? कांही चित्रपटात झळकल्यावर गोल्डी बेहेलशी लग्न करून ती गायबच झाली होती. मात्र सोनालीच्या फॅन्ससाठी खूषखबर आहे. मिलन लुथराच्या वन्स अपॉन ए टाईम इन मुंबई या सिनेमाच्या दुसर्‍या भागात म्हणजे सिक्वेलमध्ये ती दिसणार असून हा रोल खास सोनालीला समोर ठेवूनच लिहिला गेला आहे असे मिलनचे म्हणणे आहे. अन्य प्रमुख भूमिकांत अक्षय कपूर, सोनाक्षी सिन्हा आणि इम्रानखान आहेत.
सोनाली सांगते ही बातमी खरी आहे. चित्रपटाची निर्माती एकता व तिची आई शोभा या आमच्या फॅमिली फ्रेंडस आहेत. त्यामुळे ही माझ्यासाठी घरचीच फिल्म आहे. एकताची कथेवर चांगली पकड असते याची मला कल्पना आहे .त्यामुळेच या चित्रपटात मी मुमताझ हे कॅरेक्टर रंगविणार आहे. मिलन लुथराच्या मते सोनाली केवळ सुंदरच नाही तर ती चांगली अभिनेत्रीही आहे. अक्षय या चित्रपटात प्रमुख भूमिकेत असून ही भूमिका दाऊद इब्राहिम याच्यावर आधारलेली आहे असेही समजते.