चित्रपट बॉक्स ऑफिसवर यशस्वी व्हावा यासाठी दिग्दर्शक मंडळीकडून नेहमीच वेगवेगळी शक्कल लढवली जाते. त्यामध्ये काहीजण यशस्वी होतात. आगामी काळात प्रदर्शित होत असलेल्या दिग्दर्शक अनुराग बसू याच्या चित्रपटात प्रियांका चोप्रा वेगळ्या धाटणीची भूमिका करीत आहे. तिच्या भूमिकेबाबत कोणीच माहिती देत नाही. याबाबत होणाऱ्या प्रमोशनच्या कार्यक्रमात या चित्रपटतील अभिनेता रणबीर कपूर, एलींना डिसूझा यांच्यासह अभिनेत्री प्रियांका चोप्रा सहभागी होणार आहे. मात्र यावेळी प्रियांका तिच्या भूमिकेविषयी काहीच सांगणार नाही असे दिसते.

सूत्राने दिलेल्या माहितीनुसार प्रियांकाची भूमिका चित्रपटाचा इंटरेस्ट वाढविणारी असल्याने सर्वांनाच बाहेर याबाबत चर्चा न करण्याची तंबी देण्यात आली आहे. त्यामुळे कोणीच काही बोलण्यास तयार नाही. जोपर्यंत चित्रपट रिलीज होणार नाही तोपर्यंत तिच्या भूमिकेविषयी सर्व चूप राहतील.

चित्रपटचा पहिला ट्रेलर नुकताच झाला त्यामध्ये प्रियांकाची भूमिका कुणालाच समजू न देण्यात अनुरागला यश आले आहे. त्यामुळे अनुराग व प्रियांका साध्या तरी खूष आहेत. मात्र आगामी काळात तिची भूमिका पाहून प्रेक्षक किती खूष होतील हे येत्या काही दिवसात समजून येणार आहे.