बंगळुरू, दि. २२ – नशीबाच्या जोरावर चार अव्वल संघांमध्ये पोहोचलेला चेन्नई सुपर किंग्जचा संघ बुधवारी मुंबई इंडियन्सला बंगळूर येथे सामोरा जाणार आहे. कर्णधार धोनीचे नशीब रूसले असे बोलेल जात होते. मात्र, संघाने बाद फेरीत प्रवेश केल्यानंतर सर्व निकष त्याने पुन्हा एकदा चुकीचे ठरविले. साखळी सामन्यांमध्ये मुंबईचे चेन्नईच्या संघाला दोनवेळा नमविले होते.
हरभजन कर्णधार असलेल्या मुंबईचा गेल्या हंगामातील विजेता संघासमोर क्रिएटिव्ह समजला जात आहे. डेक्क्न चार्जसच्या विजयापुढे चेन्नईचे तिसर्यांदा विजेतेपद पटकविण्याचे स्वप्न सध्या तरी जिवंत आहे. मुंबईचे शेवटच्या साखळी सामन्यात राजस्थानवर १० गडी राखून शानदार विजय मिळवित बाद फेरीत प्रवेश केला. मुंबईच्या या विजयामुळे त्यांच्या आत्मविश्वासात नक्कीच भर पडली असेल. या हंगामात बंगळुर येथे झालेला कोणताही सामना मुंबईने गमावलेला नाही. शेवटच्या साखळी सामन्यात सचिन तेंडुलकर आणि ड्वेन स्मिथ यांनाही सूर गवसला आहे ही मुंबईच्या दृष्टीने जमेची बाजू आहे.
