बॉलिवूडमध्ये करियर करण्याचा निर्णय घेतला तेव्हाच मी कांही नियम माझ्यासाठी घालून घेतले आहेत. चित्रपटात कोणत्याही कारणास्तव बिकीनी न घालण्याचा तसेच किसिंग वा अन्य प्रकारचे हॉट सीन्स न देण्याचा नियम हे त्यापैकीच आहेत असे सोनाक्षी सिन्हा हिने सांगितले आहे. ती म्हणते, मी वेगळ्या वातावरणात वाढले आहे. तसेच संपूर्ण कपड्यांत प्रेक्षकांनी मला स्वीकारलेही आहे. मग मीच माझ्यासाठी बनविलेले हे नियम बदलायचे मला कारण काय?
दबंगमध्ये खेडूत मुलीच्या भूमिकेत चमकलेल्या सोनाक्षीने आगामी रावडी राठोडमध्येही पाटण्याच्या पारोची भूमिका केली आहे. पाश्चात्य पोशाखाबाबत माझे कांही म्हणणे नाही. जाहिरातीत मी ते घातलेही आहेत असे सांगून ती म्हणते, जेव्हा निर्माता माझ्याकडे रोल घेऊन येतात तेव्हा तो भारतीय मुलीचा का पाश्चात्य मुलीचा याचा विचार मी करत नाही तर त्या रोलसाठी मी किती योग्य आहे याचा विचार करते. बॉलिवूडमध्ये येऊन दोन वर्षे होत आहेत आणि हा काळ माझ्यासाठी आनंदाचा ठरला आहे असेही ती सांगते.
