हैदराबाद ,दि.४ ऑक्टोबर- पाच एकदिवसीय आणि एकमेव टी- ट्वेंटी सामन्यासाठी अॅलेस्टर कुकच्या नेतृत्वाखाली इंग्लंडचा संघ मंगळवारी पहाटे भारतात दाखल झाला आहे. इंलंडच्या दौर्यांत चारीमुंड्या चित झालेला भारतीय संघ या मालिकेत पराभवाचे उट्टे फेडण्यास उत्सुक असणार आहे .
हैदराबाद येथे १४ ऑक्टोबरपासून एकदिवसीय सामान्यांच्या मालिकेला सुरूवात होणार आहे. दिल्लीच्या कोटला मैदानावर १७ ऑक्टोबर रोजी दुसरा सामना होणार आहे. उर्वरित सामने २० ऑक्टोबर रोजी मोहाली ,२३ मुंबई आणि अंतिम सामना २५ कोलकत्याला होणार आहे. कोलकात्ताच्या इर्डन गार्डनवरच टी-२० चा सामना खेळविला जाणार आहे. भारतीय खेळपट्यांवर रूळण्यासाठी इंग्लंडच्या संघाला दोन सराव सामने खेळण्याची संधी मिळाली आहे.
