स्प्लिट्सविला सीझन 5 चा रनरअप नितीन चौहान याचे निधन झाले आहे. 35 वर्षीय नितीनने गुरुवारी 7 नोव्हेंबर रोजी म्हणजे वाढदिवसाच्या अवघ्या 4 दिवस आधी अखेरचा श्वास घेतला. दिल्लीत राहणारा नितीन अभिनयात नशीब आजमावण्यासाठी मुंबईत आला होता. बिंदास वाहिनीवर प्रसारित झालेल्या ‘दादागिरी’ या रिॲलिटी शो सीझन 2 चा तो विजेता होता. ‘दादागिरी’ नंतर त्याने डीडी नॅशनलवरील जिंदगी डॉट कॉम या मालिकेत काम केले. पण 2012 मध्ये MTV च्या Splitsvilla मध्ये रुजू झाल्यानंतर नितीनला अपेक्षित प्रसिद्धी मिळाली.

अली गोनी आणि पारस छाबरासोबत स्प्लिट्सव्हिलामध्ये सामील झालेला नितीन या शोचा उपविजेता ठरला आहे. त्याला अंतिम फेरीत पारस छाबराकडून पराभव पत्करावा लागला होता. स्प्लिट्सविला नंतर त्याने गुमराह, क्राईम पेट्रोल, फ्रेंड्स कंडिशन अप्लाय, सावधान इंडिया यांसारख्या अनेक शोमध्ये काम केले. 2021 साली सोनी सब टीव्हीवर प्रसारित झालेली ‘तेरा यार हूं मैं’ ही नितीनची शेवटची मालिका होती. नितीनची को-स्टार विभूती ठाकूरने तिच्या इंस्टाग्राम पोस्टमध्ये नितीनने आत्महत्या केल्याचा दावा केला आहे. आपल्या इंस्टाग्राम स्टोरीवर नितीनसोबतचा एक फोटो शेअर करताना विभूतीने लिहिले आहे की, तुमच्या आत्म्याला शांती लाभो, मला खूप धक्का बसला आहे आणि मी खूप दु:खीही आहे, या कठीण प्रसंगाला तोंड देण्याची शक्ती तुम्हाला मिळावी, अशी माझी इच्छा आहे, तसे तुम्ही मानसिकदृष्ट्या मजबूत आहात.

नितीन चौहान यांच्या आत्महत्येबाबत त्यांचे कुटुंबीय किंवा पोलिसांकडून कोणतेही अधिकृत वक्तव्य जारी करण्यात आलेले नाही. सध्या नितीनचे आई-वडील मुंबईत असून ते आपल्या मुलाचे पार्थिव मुंबईहून अलिगड या गावी घेऊन जाणार आहेत.

नितीनच्या मृत्यूचे कारण अद्याप स्पष्ट झाले नसले तरी, सूत्रांकडून मिळालेल्या माहितीनुसार, नितीन हा बऱ्याच दिवसांपासून कामामुळे अडचणीत होता. कष्ट करूनही त्याला हवे तसे काम मिळत नव्हते. सोशल मीडियाच्या प्रभावामुळे मॉडेलिंग असाइनमेंटही थांबले. अनेकवेळा त्याच्या मित्रांसोबतच्या संभाषणात नितीनने हेही सांगितले होते की, अभिनयाच्या असाइनमेंट दरम्यान त्याला त्याच्या फॉलोअर्सबद्दल अनेकदा विचारले जाते आणि कमी फॉलोअर्समुळे त्याला काम मिळत नाही. दरम्यान, त्याने काही व्यवसाय करण्याचाही प्रयत्न केला होता, मात्र त्यातही त्याला यश आले नाही.