कार्तिक आर्यन, विद्या बालन, तृप्ती डिमरी आणि माधुरी दीक्षित स्टारर ‘भूल भुलैया 3’ ची जोरदार चर्चा आहे. ‘भूल भुलैया’ फ्रँचायझीच्या तिसऱ्या भागाची चाहते आतुरतेने वाट पाहत आहेत. 2024 हे वर्ष हॉरर कॉमेडी चित्रपटांसाठी उत्तम वर्ष ठरले आहे. आता हे वर्ष कार्तिक आर्यनसाठी कसे ठरते, हे पाहणे बाकी आहे. चित्रपट रिलीज होण्यासाठी कमी वेळ शिल्लक आहे. पण ‘भूल भुलैया 3’ हिट करण्यासाठी निर्मात्यांनी दोन मोठ्या गायकांसोबत हातमिळवणी केली आहे.

खरं तर, निर्मात्यांनी ‘भूल भुलैया 3’ च्या टायटल ट्रॅकचा टीझर रिलीज केला आहे. हे संपूर्ण गाणे उद्या म्हणजेच 16 ऑक्टोबर रोजी रिलीज होणार आहे. पण या गाण्याची खास गोष्ट म्हणजे अमेरिकन रॅपर पिटबुल आणि दिलजीत दोसांझ पहिल्यांदाच एकत्र येत आहेत. भारतीय संगीत उद्योगाचे मालक भूषण कुमार यांच्या T-Series कंपनीने ‘भूल भुलैया 3’ च्या टायटल ट्रॅकसाठी दोन दिग्गजांना एकत्र आणण्याची जोरदार योजना आखली होती.

आता या गाण्यात प्रेक्षक संपूर्ण पंजाबी आवाजाचा तसेच आंतरराष्ट्रीय बीट्सचा आनंद लुटणार आहेत. इतकेच नाही, तर त्यात काही मोठ्या संगीताच्या दिग्गजांचाही समावेश आहे. कार्तिक आर्यनसाठीही ही मोठी संधी आहे. कार्तिकला दिलजीत आणि पिटबुलच्या आवाजवर नाचताना पाहणे सगळ्यांसाठीच खूप मजेशीर असणार आहे. कार्तिक आपल्या डान्स मूव्ह्सने हे गाणे पुढच्या पातळीवर नेईल.

टायटल ट्रॅकचा टीझर शेअर करताना कार्तिक आर्यनने लिहिले की, ‘दिलजीत x पिटबुल आणि ओजी नीरज या सर्वोत्कृष्ट सहकार्यासह रुह बाबा जागतिक झाला आहे. ‘भूल भुलैया 3’ च्या भितीदायक स्लाइडसाठी सज्ज व्हा. तनिष्क बागचीने या गाण्याचे साउंडट्रॅक तयार केले आहे. मूळ संगीत प्रीतम यांनी दिले आहे. भूल भुलैया फ्रँचायझीचा सूर तसाच ठेवण्यात आला आहे. हा ट्रॅक या फ्रेचायझीचा जीव आहे.