अफगाणिस्तानचा दिग्गज क्रिकेटर राशिद खानने वयाच्या 26 व्या वर्षी लग्न केले. गुरुवारी 3 ऑक्टोबर रोजी अफगाणिस्तानची राजधानी काबूलमध्ये पश्तून रितीरिवाजांनुसार त्याचे लग्न झाले. मीडिया रिपोर्ट्सवर विश्वास ठेवला, तर अफगाणिस्तान संघाच्या टी-20 कर्णधाराने आपल्या नातेवाईकांमध्येच लग्न केले आहे. राशिदसोबत त्याच्या तीन भावांचीही लग्ने झाली. म्हणजे राशिद खान आणि त्याच्या तीन भावांचे लग्न एकाच दिवशी झाले. यादरम्यान अफगाणिस्तान क्रिकेट संघाचे अनेक खेळाडू उपस्थित होते. काबूलमध्ये झालेल्या या लग्नसोहळ्याची अनेक छायाचित्रे समोर आली आहेत. मात्र, राशिदने लग्न करून जुने वचन मोडले आहे.
https://x.com/AfghanAtalan1/status/1841903766980985019?ref_src=twsrc%5Etfw%7Ctwcamp%5Etweetembed%7Ctwterm%5E1841903766980985019%7Ctwgr%5E467ffb87f893aeb725c5417273ff8c269674cab0%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Frashid-khan-marriage-in-kabul-along-with-3-brothers-afghanistan-cricketers-attends-wedding-ceremony-2866066.html
राशिद खानचा विवाह काबूलमधील इम्पीरियल कॉन्टिनेंटलमध्ये पार पडला. लग्नसोहळ्यासाठी हॉटेलबाहेर फटाके फोडण्यात आले. अफगाणिस्तानच्या क्रिकेटपटूंनी राशिदच्या लग्नाला हजेरी लावली आणि सोहळ्यात आणखीनच भर पडली. अफगाणिस्तान क्रिकेट बोर्डाचे सीईओ नसीब खान, संघाचा सर्वात वरिष्ठ खेळाडू मोहम्मद नबी, अजमतुल्ला उमरझाई, नजीबुल्ला जद्रान, रहमत शाह आणि मुजीब उर रहमान आणि इतर अनेक युवा खेळाडू या लग्नाला उपस्थित होते. अफगाणिस्तानच्या अनेक खेळाडूंनी सोशल मीडियावर फोटो पोस्ट करून लग्नाला शुभेच्छा दिल्या.
https://x.com/RashidKhanRK19/status/1841898295226204500?ref_src=twsrc%5Etfw%7Ctwcamp%5Etweetembed%7Ctwterm%5E1841898295226204500%7Ctwgr%5E467ffb87f893aeb725c5417273ff8c269674cab0%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Frashid-khan-marriage-in-kabul-along-with-3-brothers-afghanistan-cricketers-attends-wedding-ceremony-2866066.html
राशिद खान अफगाणिस्तान क्रिकेट संघाचा सर्वात मोठा सुपरस्टार आहे. त्याचे एकच स्वप्न आहे आणि ते म्हणजे संघासाठी विश्वचषक ट्रॉफी जिंकणे. 2023 च्या एकदिवसीय विश्वचषकापूर्वी, जेव्हा त्याला लग्नाबद्दल विचारण्यात आले. तेव्हा अफगाणिस्तानचा संघ विश्वचषक जिंकत नाही, तोपर्यंत लग्न करणार नाही, असे त्याने त्यावेळी सांगितले होते. मात्र, आता त्याने वचन मोडून लग्न केले आहे.
https://x.com/RahmatShah_08/status/1841921334462541874?ref_src=twsrc%5Etfw%7Ctwcamp%5Etweetembed%7Ctwterm%5E1841921334462541874%7Ctwgr%5E467ffb87f893aeb725c5417273ff8c269674cab0%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Frashid-khan-marriage-in-kabul-along-with-3-brothers-afghanistan-cricketers-attends-wedding-ceremony-2866066.html

https://x.com/RashidKhanRK19/status/1841906526102921340?ref_src=twsrc%5Etfw%7Ctwcamp%5Etweetembed%7Ctwterm%5E1841906526102921340%7Ctwgr%5E467ffb87f893aeb725c5417273ff8c269674cab0%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Frashid-khan-marriage-in-kabul-along-with-3-brothers-afghanistan-cricketers-attends-wedding-ceremony-2866066.html
राशिद खानने अनेक टी-20 लीगमध्ये भाग घेतला असून त्याला संघातील सर्वाधिक अनुभवही आहे. त्यामुळे त्याला टी-20 विश्वचषकात संघाचे कर्णधारपदही देण्यात आले, त्याचे फायदे दिसून आले. अफगाणिस्तान संघ प्रथमच आयसीसी स्पर्धेची उपांत्य फेरी गाठण्यात यशस्वी ठरला. उपांत्य फेरीत दक्षिण आफ्रिकेकडून पराभूत होऊन त्यांचा संघ बाहेर पडला असला, तरी इथपर्यंत पोहोचणे हे यशापेक्षा कमी नव्हते.