बीसीसीआयने टीम इंडियाच्या चाहत्यांसाठी अशी मुलाखत आणली आहे, ज्याची कोणी कल्पनाही केली नसेल. एकेकाळी ज्यांची भांडणे प्रसिद्ध होती, ते दोन खेळाडू एकत्र बसून एकमेकांचे कौतुक करताना दिसले. आयपीएलच्या हाय व्होल्टेज मॅचमध्ये जे खेळाडू भांडत होते. ते एकत्र जोरात हसताना दिसले. होय, आम्ही बोलत आहोत भारतीय क्रिकेटमधील दोन सर्वात आक्रमक आणि प्रसिद्ध चेहऱ्यांबद्दल म्हणजेच विराट कोहली आणि गौतम गंभीरबद्दल. दोघांनी मिळून एकमेकांची हाय व्होल्टेज मुलाखत घेतली आहे, ज्याचा ट्रेलर समोर आला आहे. 100 सेकंदाच्या या व्हिडिओमध्ये भरपूर मसाला आहे. मात्र, पूर्ण मुलाखत येणे बाकी आहे.

विराट कोहली आणि गौतम गंभीरच्या ताज्या मुलाखतीचा ट्रेलर केवळ 100 सेकंदांचा आहे, परंतु तो खूपच मनोरंजक आहे. 2011 च्या विश्वचषकापासून सुरुवात झाली, जिथे दोघांनी अंतिम फेरीत श्रीलंकेविरुद्ध महत्त्वपूर्ण भागीदारी केली. यानंतर, गंभीर सुरुवात करतो आणि 2014 ची ऑस्ट्रेलिया कसोटी मालिकेची आठवण करुन देतो. नेपियरमध्ये न्यूझीलंडविरुद्ध खेळलेल्या त्याच्या खेळीशी तुलना करताना तो विराटचे खूप कौतुक करतो. यानंतर दोघांमध्ये आक्रमक पध्दती आणि विरोधी संघाशी भांडण यावर चर्चा होते. विराटने विचारताच, “तुला भांडणातून प्रेरणा मिळते की नुकसान होते?” गंभीर लगेच मागे वळतो आणि हसत म्हणतो, “तुझ्यापेक्षा माझी जास्त भांडणे झाली आहेत, याचे उत्तर फक्त तूच देऊ शकतोस.” मग दोघेही जोरजोरात हसायला लागतात.
https://x.com/BCCI/status/1836246277429854714?ref_src=twsrc%5Etfw%7Ctwcamp%5Etweetembed%7Ctwterm%5E1836246277429854714%7Ctwgr%5Efdd1596eaa663ad29fa9eba856b63a723f7fa521%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Fvirat-kohli-gautam-gambhir-interview-trailer-bcci-share-video-2836652.html
जुलैमध्ये गौतम गंभीर टीम इंडियाचा मुख्य प्रशिक्षक झाला. याआधी काही महिन्यांपूर्वीपर्यंत त्याचे विराटशी वैर दिसून येत होते. याचे कारण म्हणजे आयपीएल 2023 दरम्यान झालेला वाद. लखनौ सुपर जायंट्स आणि रॉयल चॅलेंजर्स बंगळुरू यांच्यातील सामन्यानंतर दोघांनी मैदानावरच जोरात वाद घालण्यास सुरुवात केली. क्षणभर हे प्रकरण हाणामारीत पोहोचल्यासारखे वाटत होते. 10 वर्षांपूर्वीही दोन्ही दिग्गज आयपीएलमध्ये भिडले होते.

गंभीर जेव्हा टीम इंडियाचा मुख्य प्रशिक्षक झाला, तेव्हा दोघांच्या नात्याबद्दल चाहत्यांमध्ये आणि क्रिकेट तज्ज्ञांमध्ये चिंता होती. मात्र, आता ही चिंता दूर होताना दिसत आहे. श्रीलंका दौऱ्यात या दोन्ही दिग्गजांची मोठ्या उत्साहाने भेट झाली. बांगलादेश कसोटी मालिकेपूर्वी हे दोघेही चेन्नईतील कॅम्पमध्ये मस्ती करताना दिसले होते. संघ निवडक अजित आगरकरनेही त्याला साथ दिली. विराट आणि गंभीरच्या लेटेस्ट व्हिडिओमध्ये दोघांमध्ये जबरदस्त बाँडिंग पाहायला मिळत आहे.