Royal Enfield Guerrilla 450 Roadster अखेर भारतीय बाजारपेठेत दाखल झाली आहे. नवीन बाईक मॉडेल लाइनअप ॲनालॉग, डॅश आणि फ्लॅश या 3 प्रकारांमध्ये येत आहे, ती एकूण 5 रंगांच्या पर्यायांमध्ये खरेदी केली जाऊ शकते. एंट्री लेव्हल ॲनालॉग व्हेरियंट स्मोक आणि ब्लॅक या दोन रंगांच्या पर्यायांमध्ये सादर करण्यात आला आहे. मिड लेव्हल डॅश व्हेरिएंट सोनेरी आणि काळ्या रंगाच्या पर्यायांमध्ये उपलब्ध आहे. तर फ्लॅशचा टॉप व्हेरिएंट निळ्या आणि पिवळ्या रंगाच्या पर्यायांमध्ये खरेदी केला जाऊ शकतो.

यात 17-इंच अलॉय व्हील्स असून त्यात 120 सेक्शन फ्रंट आणि 160 सेक्शन रियर टायर आहेत. बाईकच्या सीटची उंची 780 मिमी आणि वजन 185 किलो आहे. त्याच्या टाकीत 11 लिटरपर्यंत इंधन भरता येते.

नवीन रॉयल एनफिल्ड मोटरसायकलमध्ये 452 सीसी, सिंगल सिलेंडर, लिक्विड कूल्ड इंजिन आहे. हिमालयन 450 बाइकमध्येही हेच इंजिन देण्यात आले आहे. यात 6-स्पीड गिअरबॉक्स देण्यात आला आहे. हा सेटअप 8000rpm वर 40.02PS चा पॉवर आणि 5500rpm वर 40Nm टॉर्क जनरेट करतो.

गुरिल्ला 450 मध्ये स्लिप आणि असिस्ट क्लच देण्यात आला आहे. बाईक ट्यूबलर फ्रेमवर बनवली आहे, जी 43mm टेलिस्कोपिक फोर्कसह येते. ब्रेकिंग सेटअपबद्दल बोलायचे झाले तर यात 310mm फ्रंट डिस्क आणि 270mm रियर डिस्क आहे. याशिवाय बाइकमध्ये ड्युअल चॅनल अँटी-लॉक ब्रेकिंग सिस्टीम स्टँडर्ड म्हणून देण्यात आली आहे.

मोटरसायकलच्या ॲनालॉग प्रकारात सेमी-डिजिटल इन्स्ट्रुमेंट क्लस्टर आणि टर्न-बाय-टर्न नेव्हिगेशनसह पर्यायी डिस्प्ले आहे. तर, 4-इंचाचे TFT इन्स्ट्रुमेंट कन्सोल, स्मार्टफोन कनेक्टिव्हिटी, फुल स्क्रीन गुगल मॅप नेव्हिगेशन आणि म्युझिक कंट्रोल्स डॅश आणि फ्लॅश व्हेरियंटमध्ये प्रदान केले आहेत. याशिवाय, यूएसबी टाइप-सी चार्जिंग पोर्ट, एलईडी हेडलाइट, टेललाइट, इंडिकेटर्स आणि दोन राइडिंग मोड – इको आणि पॉवर देखील प्रदान केले आहेत.

Royal Enfield Guerrilla 450 बाईकची किंमत 2.39 लाख रुपयांपासून सुरू होते, जी त्याच्या ॲनालॉग प्रकाराची किंमत आहे. डॅश व्हेरिएंटची किंमत 2.49 लाख रुपये आणि फ्लॅश व्हेरिएंटची किंमत 2.54 लाख रुपये आहे. या सर्व किंमती एक्स-शोरूमनुसार आहेत.