उषा उथुप यांचे दुसरे पती जानी चाको यांचे आकस्मिक निधन झाले आहे. असे सांगितले जात आहे की जेव्हा त्यांना हृदयविकाराचा झटका आला, तेव्हा ते घरी होते आणि टीव्ही पाहत होते. अचानक त्यांना अस्वस्थ वाटू लागले, त्यानंतर त्यांना तातडीने जवळच्या रुग्णालयात नेण्यात आले. तेथे डॉक्टरांनी त्यांना मृत घोषित केले. हृदयविकाराच्या झटक्याने त्यांचा मृत्यू झाल्याचे कुटुंबीयांचे म्हणणे आहे. त्यांच्यावर आज अंत्यसंस्कार होणार आहेत.

उषा आणि चाको यांना दोन मुले आहेत. त्यांना एक मुलगी अंजली आणि एक मुलगा सनी आहे. उषा आणि जानी यांची पहिली भेट 70 च्या दशकाच्या सुरुवातीला प्रसिद्ध नाईट क्लब ट्रिनकासमध्ये झाली होती. जानी चाको हा उषाचा दुसरा नवरा होता. तिने पहिले लग्न रामूशी केले होते. उषाची मुलगी अंजलीने आपल्या वडिलांच्या निधनावर शोक व्यक्त केला आणि त्यांचा फोटो इन्स्टाग्रामवर शेअर केला.

अंजलीने लिहिले, “अप्पा खूप लवकर निघून गेले. पण तू किती स्टायलिश जगलास. जगातील सर्वात देखणा माणूस, आम्ही तुझ्यावर प्रेम करतो. खरा सज्जन. ” जानी चाको यांच्या व्यवसायाबद्दल सांगायचे झाले, तर ते चहाच्या बागायती क्षेत्राशी संबंधित होते. उषाबद्दल बोलायचे झाले तर, त्या संगीत क्षेत्रातील एक प्रसिद्ध गायिका आहेत. त्यांनी बॉलीवूडमध्ये अनेक गाणी गायली आहेत आणि परदेशातही कॉन्सर्ट केले आहेत.

आता त्या पश्चिम बंगालमधील कोलकाता येथे राहतात. उषाने अनेक भाषांमध्ये अनेक प्रसिद्ध गाणी गायली. 1969 मध्ये चेन्नईच्या एका छोट्या नाईट क्लबमध्ये गाण्याद्वारे त्यांनी आपल्या करिअरची सुरुवात केली होती, हे फार कमी लोकांना माहिती असेल. ‘शान से’, ‘हरे रामा हरे कृष्णा’, ‘एक दो चा चा’, ‘हरी ओम हरी’, ‘दोस्तों से प्यार किया’, ‘रंबा’, ‘कोई यहाँ आहा नाचे’, ‘नाकाबंदी’ अशी अनेक गाणी गायली आहेत.