अमेरिकेतील फ्लोरिडा येथील जॉन नावाचा हा व्यक्ती 100 दिवस सतत ‘रॉ चिकन खाण्याच्या’ प्रयोगाने प्रसिद्ध झाला आहे. ही व्यक्ती आता एक नवीन आणि अतिशय धक्कादायक प्रयोग घेऊन हजर झाला आहे. या व्यक्तीचा दावा आहे की तो आता टेस्टोस्टेरॉनची पातळी वाढवण्यासाठी कच्चे बैल अंडकोष खात आहे. विचारलं तर तो म्हणतो, ‘आता लोक मला वेडा म्हणतील.’

मात्र, असे प्रयोग वैज्ञानिक दृष्टिकोनातून कितपत योग्य की अयोग्य यावर अनेक प्रश्न उपस्थित होत आहेत. सर्व प्रथम, कच्चे मांस खाल्ल्याने संभाव्य आरोग्य धोके लक्षात ठेवणे आवश्यक आहे. कारण, डॉक्टरांचे म्हणणे आहे की कच्चे मांस खाल्ल्याने तुम्हाला फूड पॉयझनिंगसह इतर अनेक संसर्ग होण्याचा धोका असतो.

जॉनचा दावा आहे की कच्चे अंडकोष खाल्ल्याने त्याची उर्जा वाढेल आणि टेस्टोस्टेरॉनची पातळी सुधारेल, परंतु यासाठी कोणतेही वैज्ञानिक पुरावे नाहीत. टेस्टोस्टेरॉनची पातळी वाढवण्याचे इतर अनेक निरोगी आणि सुरक्षित मार्ग आहेत, जसे की व्यायाम, योग्य आहार आणि वैद्यकीय सल्ला.

केवळ सोशल मीडियावर लाईक्स, व्ह्यूज आणि फॉलोअर्स वाढवण्यासाठी असे धोकादायक प्रयोग करणे शहाणपणाचे नाही. जॉनला इंस्टाग्रामवर जवळपास 5 लाख लोक फॉलो करतात. नुकताच त्याने प्रयोगाशी संबंधित एक व्हिडिओ शेअर केला आहे, ज्याला लोकांच्या संमिश्र प्रतिक्रिया मिळाल्या आहेत. काही लोक याला वेडेपणा मानतात, तर काही लोक कुतूहलाने ते पाहत आहेत.

जॉनचे असे प्रयोग धोकादायक असू शकतात आणि कोणत्याही वैज्ञानिक सल्ल्याशिवाय करू नयेत. सुरक्षितता आणि आरोग्याला नेहमीच प्राधान्य दिले पाहिजे.