संपूर्ण जगाला कोरोना महामारीचा सामना करावा लागला. हा आजार टाळण्यासाठी लसीकरण मोठ्या प्रमाणावर करण्यात आले. अब्जावधी लोकांना आधीच कोविड लस मिळाली आहे. दरम्यान, या लसीच्या दुष्परिणामांचा मुद्दाही समोर आला आहे. फार्मा कंपनी AstraZeneca ने कबूल केले आहे की त्यांच्या COVID-19 लसीमुळे थ्रोम्बोसिस विथ थ्रोम्बोसाइटोपेनिया सिंड्रोम (TTS) नावाचा दुर्मिळ दुष्परिणाम होऊ शकतो. TTS मुळे शरीरात रक्ताच्या गुठळ्या तयार होतात. ज्यामुळे हृदयविकाराचा झटका किंवा ब्रेन स्ट्रोक होऊ शकतो. ब्रिटनच्या न्यायालयात सुरू असलेल्या एका खटल्यात कंपनीने न्यायालयात आपल्या कागदपत्रांमध्ये हे मान्य केले आहे. लंडनमधील ‘द टेलिग्राफ’ या वृत्तपत्राने दिलेल्या वृत्तात ही बाब समोर आली आहे.
फार्मास्युटिकल कंपनी AstraZeneca ने ऑक्सफर्ड विद्यापीठाच्या भागीदारीत ही लस विकसित केली आहे. त्यांच्या लसीचे गंभीर दुष्परिणाम आणि मृत्यूचा धोका असल्याचा आरोप करून कंपनी न्यायालयात खटला चालवत होती. दोन मुलांचे वडील एमी स्कॉट यांनी गेल्या वर्षी न्यायालयात खटला दाखल केल्याचे वृत्त टेलिग्राफने दिले आहे.
त्यांनी आरोप केला होता की, ॲस्ट्राझेनेका लस घेतल्यानंतर त्यांच्या शरीरात रक्ताची गुठळी तयार झाली होती, त्यामुळे ते काम करू शकत नव्हते. एप्रिल 2021 मध्ये लसीकरण केल्यानंतर त्यांना मेंदूला कायमची दुखापत झाली. मेंदूला ही दुखापत रक्ताच्या गुठळ्यामुळे झाली होती. अहवालानुसार, अशी 51 प्रकरणे उच्च न्यायालयात दाखल करण्यात आली आहेत, ज्यामध्ये पीडितांनी नुकसान भरपाई म्हणून 100 दशलक्ष पौंडांपर्यंत अंदाजे नुकसानीची मागणी केली आहे.
कंपनीने मे 2023 मध्ये स्कॉटच्या वकिलांना सांगितले की टीटीएस हा लसीमुळे होतो, हे ते मान्य करत नाहीत. तथापि, फेब्रुवारीमध्ये उच्च न्यायालयात सादर केलेल्या कायदेशीर कागदपत्रांमध्ये, AstraZeneca म्हणाले की त्यांच्या लसीमुळे काही प्रकरणांमध्ये TTS होऊ शकतो. Covishield लस AstraZeneca चा भाग आहे. AstraZeneca ने भारत सरकारला लस पुरवठा करण्यासाठी सीरम इन्स्टिट्यूट ऑफ इंडिया (SII), जगातील सर्वात मोठी लस उत्पादक कंपनीसोबत भागीदारी केली होती. भारतातही या लसीने लोकांचे लसीकरण करण्यात आले आहे.
TTS मुळे शरीरात रक्ताच्या गुठळ्या तयार होऊ लागतात. ही रक्ताची गुठळी हृदयात झाली, तर हृदयविकाराचा झटका येऊ शकतो. मेंदूमध्ये गुठळी निर्माण झाल्यास ब्रेन स्ट्रोकचा धोका असतो.