आयपीएल 2024 मध्ये राजस्थान रॉयल्स हा एकमेव संघ आहे, जो आतापर्यंत अपराजित आहे. राजस्थानचा संपूर्ण संघ फॉर्मात आहे. जोस बटलरने रॉयल चॅलेंजर्स बंगळुरूविरुद्ध 58 चेंडूत शतक झळकावून संघाच्या विजयाचा हिरो ठरला होता. रियान परागही या मोसमात जबरदस्त फॉर्ममध्ये असून, तो सतत धावा करत आहे. हा संघ आतापर्यंत 4 पैकी 4 सामने जिंकून गुणतालिकेत अव्वल स्थानावर आहे. आज राजस्थानचा सामना गुजरात टायटन्सशी होत आहे. राजस्थान पुन्हा एकदा त्याच्या होम ग्राउंड सवाई मानसिंग स्टेडियम, जयपूर येथे खेळणार आहे. त्याला हा सामना जिंकून स्पर्धेतील आपले वर्चस्व कायम राखायचे आहे. पण गुजरातमध्ये असा एक खेळाडू आहे, जो एकट्याने संपूर्ण संघाला वेठीस धरू शकतो. तो खेळाडू म्हणजे राशिद खान.
IPL 2024 RR vs GT : राशिद खान राजस्थानच्या विजयात ठरणार अडथळा? त्याच्यासमोर टिकू शकत नाहीत हे धाकड फलंदाज
राशिद खान या आयपीएलमध्ये विशेष काही करू शकला नाही. तो त्याचे रूप शोधत आहेत. राशिद खानने आतापर्यंत 5 सामन्यात फक्त 5 विकेट घेतल्या आहेत. या काळात त्याची सरासरी आणि इकोनॉमीही चांगली नव्हती. राशिदने या हंगामात 34.6 च्या सरासरीने आणि 8.65 च्या इकॉनॉमीने गोलंदाजी केली आहे. पण त्याच्या भूतकाळातील रेकॉर्डवरून असे दिसून आले आहे की फॉर्ममध्ये असलेले फलंदाज रियान पराग आणि जोस बटलर यांच्यावर त्याची छाप आहे.
रियान परागने या हंगामात 92.50 च्या सरासरीने आणि 158.12 च्या स्ट्राइक रेटने 185 धावा केल्या आहेत, ज्यामध्ये दोन अर्धशतकांचाही समावेश आहे. याशिवाय जोस बटलरने आतापर्यंत 45 च्या सरासरीने आणि 136 च्या स्ट्राईक रेटने 135 धावा केल्या आहेत. यामध्ये आरसीबीविरुद्धच्या मॅच विनिंग सेंच्युरीचाही समावेश आहे. आयपीएलच्या इतिहासात बटलरला राशिदविरुद्ध एकही चौकार किंवा षटकार मारता आलेला नाही.
बटलरने राशिद विरुद्ध 8 डाव खेळले आहेत, ज्यामध्ये तो 3 वेळा बाद झाला आहे. या काळात बटलरची सरासरी केवळ 10 आणि स्ट्राइक रेट 63.82 होता. अफगाणिस्तानच्या या गोलंदाजासमोर रियान परागही टिकू शकला नाही. आत्तापर्यंत त्याने राशिदचे 13 चेंडू खेळले आहेत, त्यापैकी दोनदा तो त्याच्या फिरकीत अडकला. राशिद विरुद्ध त्याची सरासरी बटलरपेक्षा (5.07) वाईट आहे.
राजस्थान रॉयल्सकडून खेळणारा वेस्ट इंडिजचा फलंदाज शिमरॉन हेटमायर त्याच्या स्फोटक फलंदाजीसाठी ओळखला जातो. शेवटी येतो आणि तो लांब फटके मारतो आणि संघाला धावांचा पाठलाग करून चांगली धावसंख्या उभारण्यास मदत करतो. मात्र आत्तापर्यंत तो राशिदसमोर फ्लॉप ठरला आहे. राशिदने त्याला नऊ डावांत 3 वेळा बाद केले आहे.
सलामीवीर यशस्वी जैस्वाल अनेकदा संघाला वेगवान सुरुवात करून देतो. पण राशिदने त्यालाही दोन डावांत एकदा बाद केले आहे. भारताचा अनुभवी फिरकी गोलंदाज रविचंद्रन अश्विन या मोसमात राजस्थानसाठी मधल्या फळीत फलंदाजी करताना दिसला. मधल्या षटकांमध्ये संघाला बळ देण्याची आणि काही मोठे फटके मारून दडपण सोडवण्याची भूमिका त्याने चोख बजावली आहे. अश्विनही राशिद विरुद्ध ३ वेळा बाद झाला आहे. त्याच्याविरुद्धची सरासरी केवळ 3 आहे. राशिद खानने आपला विक्रम कायम राखल्यास राजस्थान संघ अडचणीत येऊ शकतो.