भारतीय क्रिकेट संघाचे माजी खेळाडू आणि फिरकीचे जादूगार बिशनसिंग बेदी यांचे निधन झाले आहे. वयाच्या 77 व्या वर्षी त्यांनी अखेरचा श्वास घेतला. बिशनसिंग बेदी हे 1966 ते 1979 या काळात भारतीय संघाचा भाग होते. 25 सप्टेंबर 1946 रोजी अमृतसर, पंजाब येथे जन्मलेले बिशन सिंग बेदी हे भागवत चंद्रशेखर, एरापल्ली प्रसन्ना आणि एस वेंकटराघवन यांच्या चौकडीचा एक भाग होते, ज्यांनी केवळ देशातच नव्हे, तर परदेशातही फलंदाजांना नाचायला लावले.
बिशन सिंह बेदींच्या नावावर आहेत हे पाच मोठे रेकॉर्ड, ज्याबद्दल तुम्हाला कदाचित माहिती नसेल
भारताचा माजी कर्णधार आणि देशातील महान डावखुरा फिरकी गोलंदाज बिशनसिंग बेदी यांचे सोमवारी दीर्घ आजाराने निधन झाले. ते 77 वर्षांचे होते. त्यांच्या पश्चात पत्नी अंजू, मुलगा अंगद आणि मुलगी नेहा असा परिवार आहे. त्याने भारतासाठी 67 कसोटी खेळल्या आणि 266 विकेट घेतल्या. एका डावात 14 वेळा पाच बळी आणि सामन्यात एकदा 10 बळी घेण्याचा पराक्रम त्यांनी केला होता. 1966 ते 1978 दरम्यान एका दशकाहून अधिक काळ ते भारताच्या गोलंदाजीचा प्रमुख भाग होते.
बिशन सिंग बेदी यांच्या नावावर असलेले मोठे विक्रम
- फिरकी जादूगार बिशन सिंग बेदी हे असे गोलंदाज होते, ज्यांनी प्रथम श्रेणी क्रिकेटमध्ये 1560 विकेट घेतल्या आहेत, जे इतर कोणत्याही खेळाडूपेक्षा जास्त आहे.
- बिशनसिंग बेदी हे जवळपास चार दशके एकाच रणजी मोसमात सर्वाधिक विकेट घेणारे गोलंदाज होते. 1974-75 च्या मोसमात 64 बळी घेत त्यांनी हा विक्रम केला.
- बिशनसिंग बेदी यांनी 1966 ते 1979 दरम्यान 67 कसोटी सामने खेळले, ज्यामध्ये त्यांनी 266 विकेट घेतल्या. कसोटी क्रिकेटमध्ये 200 बळी घेणारे ते भारताचे पहिले गोलंदाज होते.
- बिशनसिंग बेदी हे 1975 च्या विश्वचषक संघाचा भाग होते. बिशनसिंग बेदीने या स्पर्धेत पूर्व आफ्रिकेविरुद्ध सलग दोन मेडन षटके टाकली होती. असा करिष्मा इतर कोणत्याही गोलंदाजाला करता आलेला नाही.
- बिशन सिंग बेदी हे एकमेव भारतीय गोलंदाज आहेत, ज्यांनी वनडे सामन्यात 8 षटके मेडन टाकली आहेत. या सामन्यात त्यांनी 12 षटके टाकली, ज्यात 8 षटके मेडन होती. यादरम्यान त्यांनी 6 धावा दिल्या आणि एक विकेट घेतली.