पुणे – पुण्‍यातील मतदारांच्‍या याद्‍यांच्‍या घोळ प्रकरणी उपोषणला बसलेले भाजपाचे उमेदवार अनिल शिरोळे यांनी उपोषण मागे घेतले आहे. शिरोळे उद्या केंद्रीय निवडणूक आयुक्तांची भेट घेणार आहेत. यामुळे पुण्यातील मतदार याद्यांच्या घोळाचे प्रकरण मिटण्याची चिन्हे आहेत.दरम्यान आज दुसर्या दिवशीही मतदानाचा हक्क न मिळालेल्या मतदारांनी फेरमतदानाची मागणी जिल्हाधिकार्यांसमोर लावून धरली.

काल राज्यातील दुसऱ्या टप्प्यात मतदान झाले. यात पुणे लोकसभा मतदारसंघातही मतदान झाले मात्र ओळखपत्र असूनही काही मतदारांना यादीत नाव नसल्याने मतदान करता आले नव्हते. या सर्वांनी आक्रमक पवित्रा स्विकारला होता. भारतीय जनता पक्षाचे प्रदेशाध्यक्ष देवेँद्र फडणवीस यांच्‍या सांगण्‍यावरुन अनिल शिरोळे यांनी उपोषण सोडले आहे. शिरोळेंनी आज सकाळपासून उपोषण सुरू केले होते.