माजी क्रिकेटपटू अँड्र्यू फ्लिंटॉफचा भीषण अपघात, एयरलिफ्ट करून रुग्णालयात दाखल

फ्लिंटॉफ हा इंग्लंडच्या महान अष्टपैलू खेळाडूंपैकी एक आहे. त्याला ‘फ्रेडी’ म्हणून ओळखले जाते. फ्लिंटॉफने वयाच्या ३२ व्या वर्षी क्रिकेटमधून निवृत्ती घेतली. त्याने इंग्लंडकडून 79 कसोटी सामने खेळले. त्याच्याकडे बॅट आणि बॉल अशा दोन्ही बाजूंनी सामने फिरवण्याची क्षमता होती. त्याने स्वबळावर इंग्लंडला अनेक सामन्यांमध्ये चॅम्पियन बनवले. त्याच्या क्रिकेट कारकिर्दीत, फ्लिंटॉफने 2005 आणि 2009 मध्ये इंग्लंडला ऍशेस जिंकून देण्यात मोलाचा वाटा उचलला होता.

क्रिकेटमधून निवृत्ती घेतल्यानंतर, फ्लिंटॉफने हिट मोटरशो टॉप गियर सह-प्रस्तुत करण्यास सुरुवात केली. तो येथेही खूप लोकप्रिय आहे. त्याच्या अपघातानंतर, बीबीसीच्या प्रवक्त्याने सांगितले: “आज (मंगळवारी) सकाळी टॉप गियर चाचणी ट्रॅकवर झालेल्या अपघातात फ्रेडी जखमी झाला, जिथे क्रू डॉक्टर तात्काळ घटनास्थळी पोहोचले. त्याला पुढील उपचारांसाठी रुग्णालयात नेण्यात आले. आम्ही येत्या काळात अधिक तपशीलांची पुष्टी करणार .