फिरोजाबाद : उत्तर प्रदेशातील फिरोजाबाद येथे एका गर्भवती महिलेचा भीषण अपघातात मृत्यू झाला आहे. बुधवारी घडलेल्या या घटनेत एक चमत्कार घडला. हा अपघात इतका भीषण होता की महिलेचा जागीच मृत्यू झाला, मात्र या अपघातात तिचा गर्भच फूटला आणि मूल बाहेर आले. मुलाला सुखरूप पाहिल्यानंतर लोकांना आश्चर्याचा धक्काच बसला. लोक त्याला चमत्कारी बेबी म्हणून संबोधत आहेत. त्यांना फिरोजाबाद रुग्णालयात दाखल करण्यात आले आहे.
ही घटना यूपीच्या फिरोजाबाद जिल्ह्यातील नरखी पोलीस स्टेशन हद्दीतील बरतारा गावातील आहे. येथे पती-पत्नी दुचाकीवरून जात होते. यादरम्यान दुचाकीस्वाराचा तोल गेला आणि त्याच्या पत्नीला ट्रकने धडक दिली. ट्रकने धडक दिल्याने गर्भवती महिलेचे पोट फुटले. पोटातील बाळ बाहेर आले. तिचा रडण्याचा आवाज ऐकू आल्यानंतर मुलीला फिरोजाबाद जिल्हा रुग्णालयात दाखल करण्यात आले. तेथील नवजात बालकाची प्रकृती ठीक असल्याचे सांगण्यात येत आहे. मुलगी पूर्णपणे बरी असल्याचे डॉक्टरांनी सांगितले. तिला उपचाराची गरज आहे.
गर्भ फूटुन मृत्यू झाल्याचे प्रकरण
फिरोजाबाद अपघातातील महिलेचा गर्भ फाटल्याने मृत्यू झाल्याचे सांगण्यात येत आहे. या घटनेबाबत एसएचओ फतेह बहादूर सिंह यांनी सांगितले की, हा अपघात बरतारा गावाजवळ झाला. हा परिसर नरखी पोलीस ठाण्याच्या परिसरात येतो. या घटनेतील मृत महिलेचे नाव कामिनी असे आहे. ती 26 वर्षांची होती. ही महिला तिच्या पतीसोबत दुचाकीने कोटला फरीहा भागातील आई-वडिलांच्या घरी जात होती. त्यादरम्यान हा अपघात झाला.
विरुद्ध दिशेने येणाऱ्या कारने त्याला थांबवण्याचा प्रयत्न करत असताना तिचा पती रामूचा दुचाकीवरील ताबा सुटला, असा दावा स्थानिकांनी केला. कामिनी खाली पडली आणि भरधाव ट्रकने चिरडली. एसएचओ बधोरिया यांनी सांगितले की, ट्रकचा चालक फरार झाला आहे. सीसीटीव्ही तपासले जात आहेत. पतीच्या तक्रारीच्या आधारे एफआयआर दाखल करण्यात येणार आहे.