वॉशिंग्टन – भारतात दहशतवादी हल्ल्याची योजना आखत असलेल्या शीख दहशतवादी संघटनांना मदत केल्याच्या आरोपावरुन अमेरिकन तपास यंत्रणा एफबीआयने एका भारतीय वंशाच्या अमेरिकन नागरीकाला अटक केली आहे. बलविंदर सिंग (३९) असे आरोपीचे नाव आहे. बब्बर खालसा इंटरनॅशनल आणि खलिस्तान झिंदाबाद फोर्स या दोन दहशतवादी संघटनांशी तो संबंधित होता.

कारस्थान रचणे, दहशतवाद्यांना मदत करणे, हत्येचा कट रचणे हे आरोप त्याच्यावर ठेवण्यात आले आहेत. २० डिसेंबरला त्याला अमेरिकन न्यायालयात हजर करण्यात येणार आहे. मूळचा भारताचा नागरिक असणारा बलविंदर सिंग अमेरिकेला पळून गेला होता. तेथे त्याने आश्रित असल्याचा दावा केला होता त्याच्याकडे आता अमेरिकेचे कायमस्वरुपी नागरिकत्व आहे.