पॅरिस – जगातील सात आश्चर्यात गणना होत असलेला आणि फ्रान्सचे मुख्य आकर्षण असणार्‍या आयफेल टॉवरमध्ये काल बॉम्ब ठेवल्याची अफवा येताच तातडीने येथील पर्यटकांना बाहेर काढून हा टॉवर संपूर्णपणे रिकामा केला गेला. धमकी मिळताच सुरक्षा रक्षकांनी तातडीने हालचाली करून या टॉवरच्या आसपासचा सर्व परिसरही मोकळा केला. आयफेल टॉवर उडविण्याची धमकी फोनवरून देण्यात आली मात्र कोणत्याप्रकारे तो उडविला जाईल याचा कोणताच खुलासा धमकी देणार्यालने केला नव्हता असे पोलिसांनी सांगितले.

आयफेल टॉवर उडवून देण्याची धमकी ही फ्रान्स पोलिसांसाठी आता नित्याची बाब झाली आहे.यापूर्वीही याच वर्षात दोन वेळा म्हणजे ३० मार्च व ९ ऑगस्ट रोजीही धमकी मिळाल्याने हा टॉवर मोकळा करण्यात आला होता. तर २ जून रोजी एका माणसाने टॉवरवरून आत्महत्त्या करण्याची धमकी दिल्यानंतर तो दोन तासांसाठी बंद ठेवण्यात आला होता..

आयफेल टॉवर हे जगातील सर्वाधिक पर्यटक भेट देण्याचे ठिकाण असून येथे दररोज सरासरी ३२ हजार पर्यटक भेट देतात.