पुणे, – यावेळी गणेशोत्वाचा आनंद लुटता यावा म्हणून रात्री बारापर्यंत ध्वनिक्षेपक सुरु ठेवण्याचा निर्णय घेतला आहे पण गणेशोत्सवात काही गडबड होवू नये म्हणून अधिकाधिक मंडळांनी सीसीटीव्ही कॅमेरे बसवावेत, शासनाच्या सीसीटीव्हीसाठीच्या निविदा प्रक्रियेस विलंब होणे ही दुर्दैवी बाब आहे. परंतु, शासनाकडून कोणतीही अपेक्षा न करता काही गणेश मंडळांनी दीड हजार सीसीटीव्ही कॅमेरे बसविले आहेत. त्यांचा आदर्श घेऊन अन्य मंडळांनीही सीसीटीव्ही कॅमेरे बसविण्यासाठी पुढाकार घ्यावा, असे अवाहन उपमुख्यमंत्री अजित पवार यांनी शुक्रवारी गणेश मंडळांना केले. पुणे पोलीस विघ्नहर्ता न्यासाच्या वतीने आयोजित गणेशोत्सव स्पर्धेचे पारितोषिक वितरण गणेश कला क्रीडा मंच येथे उपमुख्यमंत्री पवार यांच्या हस्ते करण्यात आले, यावेळी ते बोलत होते.