भारतीय बनावटीची विमानवाहू नौका

नवी दिल्ली – पूर्णपणे भारतीय बनावटीच्या पहिल्याच विमानवाहू युद्धनौकेचे अवतरण नुकतेच करण्यात आले. कोचीन बंदरामध्ये झालेल्या या समारंभात संरक्षण मंत्री ए.के. अँटनी यांच्या पत्नी एलिझाबेथ अँटनी यांच्या हस्ते या नौकेचे अवतरण करण्यात आले. २००९ सालपासून ही युद्धनौका बांधण्याचे काम सुरू होते आणि ती ४० हजार टन वजनाची आहे. तिचे अवतरण आज होत असले तरी ती प्रत्यक्षात भारताच्या नौदलामध्ये २०१८ साली दाखल होणार आहे.