राहुल गांधी नंबर दोन पदावर ?

काँग्रेस अध्यक्षा सोनिया गांधी यांचे राजकीय वारसदार कोण हा वादाचा मुद्दा मुळातच काँग्रेसमध्ये नाही. वारसदार राहुलच असतील हे नक्की आहे. अशावेळी त्यांना नंबर दोनचे पद दिले जाईल यातही कांही आश्चर्य नाही असे वरीष्ठ नेत्यांचे म्हणणे आहे. विशेष म्हणजे ही दोन्ही पदे कॉग्रेंसमध्ये फार क्वचित भरली गेली आहेत. १९८० त एन.एन बहुगुणा यांचे काँग्रेसमध्ये पुनरागमन झाल्यानंतर त्यांना महासचिव म्हणून बढती दिली गेली होती तर १९८३ साली कमलापती त्रिपाठी यांना वर्कींग प्रेसिडेंट म्हणून नियुक्त केले गेले होते

राहुल गांधी सध्या पक्षाच्या युवा शाखेचे महासचिव आहेत. आगामी लोकसभा निवडणुकांत त्यांना पक्षाचा मॅस्कॉट म्हणून पुढे आणले जाणार आहे. राहुल यांना दोन्ही पैकी कोणते पद दिले जाईल इतकाच प्रश्न आहे. अर्थात सोनियांच्या विश्वासू लोकांची वर्णी संघटनेत असेलच पण तरूण रक्तालाही राहुल गांधी प्राधान्य देतील असाही अंदाज वर्तविला जात आहे.