लॉस एंजिल्स: अवकाशात झेप घेणारी पहिली अमेरिकन महिला स्याली राईड यांचे वयाच्या ६१ व्या वर्षी निधन झाले. स्पेस शटल चालेन्जर एसटीएस-७ या मोहिमेवर त्यांनी सन १९८३ मध्ये इतिहास रचला. अंतराळवीर स्यालीच्या आधी सन १९६३ मध्ये वालेन्तिना तेरेश्कोवा तर १९८२ ला स्वेतलाना सावित्स्काया या रशियन महिला अवकाश मोहिमेवर गेल्या होत्या. स्याली १९८४ ला पुन्हा एकदा अवकाश मोहिमेवर गेल्या त्या एसटीएस -४१ जी च्या सदस्या म्हणून! त्यांच्या कारकिर्दीत त्यांनी एकूण ३४३ तास अवकाशात घालविले होते. स्वादुपिंडाच्या कर्करोगाशी त्या १७ महिने झुंज देत होत्या.