नुकतेच कॅटरिनाला बेशरम म्हणणारी सोनम कपूर आता एका बोल्ड भूमिकेत दिसण्याची शक्यता आहे. तिने सिल्क स्मितासारख्याच एका बोल्ड भूमिकेसाठी होकार दिल्याची माहिती तिच्या निकटवर्तीय मित्रांनी दिली आहे. नुकतेच एका निर्मात्याने सोनम कपूरला अशाच एका बोल्ड रोलची ऑफर दिली आहे.
सत्तरच्या दशकातील एका बोल्ड बॉलीवूड अभिनेत्रीच्या जीवनावर हा चित्रपट बनवण्यात येणार आहे. सोनमला कथा आवडली आणि तिने चित्रपटाला होकार दिल्याचे समजते आहे. विशेष म्हणजे या चित्रपटात सिरियल किसर इमरान हाश्मी तिच्यासोबत मुख्य कलाकार असणार आहे. आपल्या पहिल्या चित्रपटापासून सोनम फ्लॉप अभिनेत्री ठरली आहे. त्यामुळे वाट्टेल ते वक्तव्य करून आणि आता सिल्क स्मितासारखे बोल्ड रोल स्वीकारून ती नवे डावपेच खेळत असल्याची चर्चा आहे.
