कोल्हापूर, दि. १२ – महाराष्ट्रात शाखा असणार्या आणि कोल्हापूरात मुख्यालय असलेल्या स्वामी विवेकानंद संस्थेच्या कोल्हापूरातील विवेकानंद महाविद्यालयास नुकत्याच झालेल्या काटेकोर पाहणीनंतर नॅकने ए ग्रेड मानांकन जाहीर झाले आहे, अशी माहिती प्राचार्य हिंदूराव पाटील यांनी दिली.
केंद्र शासनाने जारी केलेल्या महाविद्यालयीन दर्जासुधार बाराव्या पंचवार्षिक योजनेत देशभरातून १०० महाविद्यालये निवडण्यात आली होती. त्यामध्ये शिवाजी विद्यापीठाअंतर्गत येत असलेल्या कोल्हापूरामधून एकमेव विवेकानंद कॉलेजचा समावेश होता. तर शिवाजी विद्यापीठातून एकूण चार महाविद्यालये या योजनेत निवडण्यात आली होती. यामध्ये सातार्याच्या यशवंतराव चव्हाण कॉलेज व के. डब्ल्यू सी कॉलेज आणि सांगली जिल्हयातील शिवाजी कॉलेजचा समावेश असल्याचेही त्यांनी यावेळी सांगितले.